Golfisti i famshëm kërkon arrestimin e Barack Obamës, Joe Biden-it dhe ‘shumë të tjerëve’

Phil Mickelson nuk heziton të shprehë mendimet e tij politike në rrjetet sociale dhe së fundmi ka deklaruar se dëshiron të shohë të arrestuar njerëz me pushtet. Mila Joy, një përdoruese konservatore e X-it, postoi një pyetje të pazakontë në llogarinë e saj:

"Lista aktuale top 10 e personave që Kash Patel duhet të arrestojë:1. George Soros. 2. Tim Walz. 3. Barack Obama. 4. Joe Biden. 5. Tim Walz. 6. Gavin Newsom. 7. Ilhan Omar. 8. Adam Schiff. 9. Hillary Clinton. 10.Anthony Fauci.Kë kam harruar?"

Mickelson, pa asnjë pendesë, iu përgjigj: "Ka edhe shumë të tjerë, por ky është një fillim i shkëlqyer!", edhe pse nuk u dha asnjë arsye pse këta emra duhej të arrestoheshin.

Mickelson ka bërë një numër të madh komentesh politike online, përfshirë edhe për vrasjen e fundit të Charlie Kirk. Në vitin 2022, ai i quajti sauditët "bastardë të frikshëm" për shkak të shqetësimeve mbi të drejtat e njeriut, por më pas iu bashkua turneut LIV të mbështetur nga Arabia Saudite, duke e quajtur atë "një mundësi një herë në jetë për të riformësuar mënyrën se si funksionon PGA Tour".

Ai ka komentuar gjithashtu për kryetarin e sapozgjedhur të bashkisë së Nju Jorkut, Zohran Mamdani. Përveç Mamdanit, Mickelson ka reaguar edhe ndaj videove që lidhen me Bernie Sandersin, duke e bërë të qartë qëndrimin e tij.

Një nga përgjigjet e Mickelson-it ndaj një videoje, e cila mori 67 mijë shikime dhe rreth 6500 pëlqime, thoshte:"E majta ekstreme dhe e djathta ekstreme duhen anashkaluar. Ata do të votojnë gjithmonë në një mënyrë të caktuar dhe nuk janë të hapur ndaj logjikës dhe arsyes. E majta dhe e djathta e mesme duhet të punojnë së bashku dhe të gjejnë kompromis. Nuk ka nevojë të angazhohesh me ekstremët nga të dyja anët, është humbje kohe."

Një përdorues i X-it e pyeti Mickelson-in: "A po planifikon të kandidosh për ndonjë post?", dhe ai u përgjigj thjesht: "Jo".

Llogaria e Mickelson-it në X është e mbushur me qëndrime politike, duke zemëruar disa dhe duke gjetur mbështetje te të tjerë. Ai ka komentuar edhe përkrah figurës së njohur të mediave sportive, Stephen A. Smith.

Në një video të postuar në X, Stephen A. Smith thotë: "Ajo që po thua është: 'askush nuk duhet të fitojë më shumë se një shumë e caktuar parash'. Kush je ti që e thua këtë? Kjo është Amerika… kjo nuk funksionon. Zonja dhe zotërinj, po ju them tani, demokratët, AOC, Mamdani dhe njerëz si Bernie Sanders… nëse njerëz të tillë marrin kontrollin e Partisë Demokratike… ndodh një nga dy gjërat: ose Partia Demokratike shkatërrohet… ose Amerika."

Mickelson ndezi debat me vetëm tri fjalë: "Vështirë të kundërshtohet."

Mickelson është fitues i gjashtë titujve madhorë dhe ka kaluar më shumë se 25 vite mes 50 golfistëve më të mirë në botë. / The Mirror – Syri.net