Në një operacion të kryer nga Organizata Kombëtare e Inteligjencës e Turqisë (MIT). Mehmet Goren, një nga të ashtuquajturit figura të larta të grupit terrorist ISIS, u kap në rajonin Afganistan-Pakistan dhe u soll në Turqi.

Mediat turke shkruajne se, individi kishte marrë një rol aktiv në kampet e ISIS-it dhe me kalimin e kohës ishte ngritur në një pozicion të ashtuquajtur administrator. Si rezultat i punës së inteligjencës së MIT-it, u identifikua personi, Mehmet Goren, me emrin e koduar Yahya, një i ashtuquajtur administrator, i cili ishte ngarkuar me kryerjen e sulmeve vetëvrasëse në emër të grupit terrorist.

Burimet thanë gjithashtu se i dyshuari kishte rënë dakord të kryente sulme vetëvrasëse që synonin civilët që jetonin në Afganistan, Pakistan, Turqi dhe Evropë. MIT përcaktoi se terroristi kishte udhëtuar nga Turqia në rajonin Afganistan-Pakistan. Ai i kishte mbijetuar sulmeve ajrore të kryera kundër elementëve të ISIS-it në Pakistan.

Portali i Anadolu Ajansı, shkruan se, i dyshuari kishte vepruar së bashku me Ozgur Altun, me emrin e koduar Abu Yasir Al Turki, i cili më parë luajti një rol aktiv në transferimin e anëtarëve të ISIS-it nga Turqia në rajonin Afganistan-Pakistan dhe është kapur në të kaluarën, është sjellë në Turqi dhe është arrestuar.