Kryeministri izraelit Benjamin Netanyahu ka urdhëruar sulme të fuqishme në Rripin e Gazës, tha zyra e kryeministrit në një deklaratë të martën.

"Pas konsultimeve mbi çështjet e sigurisë, Kryeministri udhëzoi komandën ushtarake që të nisë menjëherë sulme të fuqishme në Rripin e Gazës", thuhet në deklaratë.

Following security consultations, Prime Minister Netanyahu has directed the military to immediately carry out forceful strikes in the Gaza Strip.

— Prime Minister of Israel (@IsraeliPM) October 28, 2025

Vendimi vjen menjëherë pasi trupat e IDF u sulmuan në Rripin jugor të Gazës dhe mes zemërimit izraelit pas shkeljeve të mëtejshme të Hamasit, që përfshinin kthimin e trupave të pengjeve.

Kryeministri Netanyahu ka vendosur të zgjerojë territorin nën kontrollin e Forcave Mbrojtëse të Izraelit në Rripin e Gazës pas shkeljeve të përsëritura të marrëveshjes së armëpushimit nga Hamasi, sipas raportimeve të mediave hebraike.

Zyra e Kryeministrit nuk pranon të komentojë mbi raportet.

Sipas transmetuesit publik Kan, Netanyahu po flet me zyrtarë të lartë amerikanë për të koordinuar këtë veprim. Hamasi tha se po i përmbahej kushteve të armëpushimit dhe Netanyahu po kërkonte justifikime për t'u tërhequr nga detyrimet e Izraelit.

Një armëpushim i mbështetur nga SHBA-të është në fuqi midis Izraelit dhe Hamasit, por secila palë ka akuzuar tjetrën për shkelje.
Sipas kushteve të armëpushimit, Hamasi liroi të gjithë pengjet e gjalla në këmbim të gati 2,000 të dënuarve dhe të paraburgosurve palestinezë të kohës së luftës, ndërsa Izraeli tërhoqi trupat e tij dhe ndaloi ofensivën e tij.

Hamasi ka rënë dakord gjithashtu të dorëzojë eshtrat e të gjithë pengjeve të vdekur që ende nuk janë gjetur, por ka thënë se do të duhet kohë për të gjetur dhe rimarrë trupat në enklavë, e cila është shkatërruar nga dy vjet luftë. Izraeli thotë se grupi militant mund të ketë qasje në eshtrat e shumicës së pengjeve./ Reuters - Times of Israel.