SHBA-të kanë goditur një tjetër anije në brigjet e Venezuelës, duke vrarë gjashtë persona, tha Presidenti Donald Trump.

Në një postim në Truth Social, Trump tha se anija u përkiste ‘narkoterroristëve’ dhe se ajo ‘trafikonte narkotikë’.

Ky është sulmi i pestë i këtij lloji nga administrata Trump ndaj një anijeje të akuzuar për trafik droge në ujëra ndërkombëtare. Në total, 27 persona janë raportuar të vrarë, por SHBA-të nuk kanë dhënë prova ose detaje rreth identitetit të anijeve.

Disa avokatë kanë akuzuar SHBA-në për shkelje të ligjit ndërkombëtar, dhe vendet fqinje si Kolumbia dhe Venezuela i kanë dënuar sulmet.