'Rusia mund të godasë Londrën, Romën, Amsterdamin!'/ Sekretari i NATO-s jep alarmin: Jemi në rrezik, raketat e Putin 5 herë…

Evropa është në rrezik dhe Moska mund të godasë në çdo moment qytetet e mëdha.

Paralajmërimi është dhënë nga Sekretari i Përgjithshëm i NATO-s, Mark Rutte, duke theksuar se shënjestrat e Kremlinit mund të jenë Roma, Londra apo dhe Amsterdami.

Paralajmërimi i Rutte u dha për televizionin italian “Tg1”, duke theksuar rrezikun në rritje që përbën Rusia për sigurinë e vendeve europiane.

“Jemi të gjithë në rrezik! Raketat më të përparuara të Rusisë mund të godasin Romën, Amsterdamin ose Londrën me pesë herë shpejtësinë e zërit”, deklaroi Rutte.

Kreu i NATO-s nënvizoi kapacitetet teknologjike gjithnjë e më të avancuara të ushtrisë ruse.

Ai shtoi se kjo situatë nuk është më një çështje vetëm e vendeve të krahut lindor të NATO-s, por një kërcënim për të gjithë aleancën:

“Do të thotë që të gjithë jemi në krahun lindor.”