SHBA/ 17-vjeçari vritet aksidentalisht gjatë gjuetisë, ngatërrohet me një ketër dhe qëllohet me armë

Një djalë 17-vjeçar u vra tragjikisht në shtetin amerikan të Ajovës, pasi një gjuetar e qëlloi me armë zjarri pasi e ngatërroi për një ketër. Viktima ishte një 17-vjeçar me emrin Carson Ryan , i cili u vra nga një plumb në pjesën e prapme të kokës.

17-vjeçari ishte në një udhëtim gjuetie për ketër në Brighton, Iowa, si pjesë e një grupi gjuetie.

Autoritetet thanë se një anëtar i grupit të tij e qëlloi atë pasi e ngatërroi me një ketër, por nuk u dhanë detaje të mëtejshme se si ndodhi incidenti i rende.

Ryan u dërgua në Qendrën Mjekësore të Kujdesit Shëndetësor UI, ku ndërroi jetë nga plagët e marra. Departamenti i Burimeve Natyrore i Ajovës tha se iu përgjigj incidentit së bashku me Zyrën e Sherifit të Qarkut të Uashingtonit.

Carson Ryan ishte anëtar i ekipit të atletikës së djemve të Uashingtonit, i cili postoi një mesazh ngushëllimi në Facebook:

“Ekipi i atletikës së djemve të Uashingtonit ju kërkon që të mbani në zemër nënën, familjen, shokët e klasës dhe shokët e ekipit të Carsonit, ndërsa ne vajtojmë humbjen e Carsonit. Zemrat tona janë të thyera”, shkruhej në postim e Carson Ryan.

Ndërkohë, hetimet janë ende në vijim e sipër.