Presidenti i 47-të i SHBA-së, Donald Trump, dënoi sulmin ndaj Kishës së Jezu Krishtit në Grand Blanc të Michiganit.

Në një postim në Tëitter, Trump e ka përshkruar incidentin e përgjakshëm si një “sulm të synuar ndaj të krishterëve në Shtetet e Bashkuara”.

“Jam informuar për sulmin e tmerrshëm të armatosur. FBI-ja mbërriti menjëherë në vendngjarje, do të udhëheqë Hetimin Federal dhe do t’u ofrojë mbështetje të plotë zyrtarëve shtetërorë dhe lokalë. I dyshuari ka vdekur, por ka ende shumë për të mësuar”, tha Trump në një postim në Truth Social.

“Ky duket të jetë një tjetër sulm i synuar kundër të krishterëve në Shtetet e Bashkuara të Amerikës”, vuri në dukje ai.

Trump u bëri thirrje ithtarëve të tij të luten “për viktimat dhe familjet e tyre”. “Kjo epidemi dhune në vendin tonë duhet të marrë fund menjëherë”, paralajmëroi ai.