Republika Islamike e Iranit ka thirrur ambasadorët e saj nga Gjermania, Franca dhe Mbretëria e Bashkuar për konsultime në Teheran.

Veprimi i Teheranit vjen në përgjigje të vendimit të papërgjegjshëm, siç e cilëson Irani,  të tre vendeve evropiane në keqpërdorimin e mekanizmit Snapback për të rivendosur rezolutat e Këshillit të Sigurimit të OKB-së, të cilat ishin shfuqizuar më parë.

Më herët të premten, Ministri i Jashtëm iranian, Abbas Aragchi pohoi se përpjekjet e treshes evropiane të Mbretërisë së Bashkuar, Francës dhe Gjermanisë për të ringjallur sanksionet e Këshillit të Sigurimit të OKB-së kundër Iranit, janë "të pavlefshme" dhe nuk kanë asnjë fuqi ligjore.

Diplomati më i lartë i bëri këto komente, duke iu drejtuar Këshillit të Sigurimit pas një votimi nëse do të aktivizohej i ashtuquajturi mekanizëm “kthimi në kohë”, brenda një marrëveshjeje bërthamore të vitit 2015 midis Iranit dhe të tjerëve që do të rikthente ndalimet.

Shtetet e Bashkuara dhe aleatët e tyre, përfshirë trojkën, vunë veton ndaj një projekt-rezolute mbi këtë çështje si një mjet për të nxitur rivendosjen e sanksioneve deri në fundjavë./ Mehr Agency News.