Udhëheqësit polakë kanë dënuar ashpër një seri sulmesh me zjarrvënie në një sinagogë në Varshavë, të cilat lanë dëme të dukshme në muret e jashtme.

Sinagoga Nożyk, e vetmja në qytet që i ka mbijetuar Holokaustit, u godit me tri bomba molotov, me policinë ende të paaftë për të identifikuar autorët e kësaj ngjarje apo motivet e sulmit.

Askush nuk u lëndua dhe dëmi duket minimal, por dhuna ka ngjallur shqetësim tek udhëheqësit hebrenj dhe i ka shtyrë autoritetet të kërkojnë një përgjigje të fortë ndaj autorëve.

Yacov Livne, ambasadori izraelit në Poloni, tha se sulmet antisemite si ky nuk mund të tolerohen duke vënë në dukje se ndërtesa ishte e vetmja sinagogë që mbijetoi në Varshavë pas Holokaustit.