Ministria e Jashtme izraelite ka përshkruar një “çmim fillestar” që thotë se Irani duhet të paguajë për sulmin e tij.

Korpusi i Gardës Revolucionare iraniane duhet të njihet si një organizatë terroriste, tha zëdhënësi Lior Haiat.

“Sanksione të dhimbshme” duhet të vendosen gjithashtu ndaj Iranit, përfshirë në fushën e raketave. Izraeli ka të drejtë të mbrohet përballë sulmit masiv të Iranit. Izraeli u mbrojt me sukses kundër agresionit të Iranit dhe do të vazhdojë ta bëjë këtë në të ardhmen”, thuhet në një deklaratë.

Sulmi i Iranit ndaj Izraelit, kërcënimet e tij ndaj SHBA-së dhe furnizimi i tij me armë Rusisë “vënë në rrezik paqen botërore”, tha Haiat. “Kjo është pikërisht arsyeja pse Irani nuk duhet të marrë kurrë armë bërthamore”, thuhet në deklaratë.