Nju Delhi ka shprehur shqetësim për përshkallëzimin e armiqësive midis Iranit dhe Izraelit, të cilat “kërcënojnë paqen dhe sigurinë në rajon”, tha Ministria e Jashtme të dielën, disa orë pasi Irani kreu një sulm hakmarrës ndaj Izraelit.

Irani ka nisur një sulm masiv me dron dhe raketa ndaj Izraelit në përgjigje të një sulmi ajror në konsullatën e tij në Damask, Siri në fillim të këtij muaji. Sulmi vrau shtatë oficerë nga Forcat Quds të Gardës Revolucionare të Iranit (IRGC), duke përfshirë dy gjeneralë.

“Ne bëjmë thirrje për de-përshkallëzimin e menjëhershëm, ushtrim të përmbajtjes, tërheqje nga dhuna dhe kthim në rrugën e diplomacisë”, tha Nju Delhi në reagim. Deklarata shtoi se po monitoron nga afër situatën dhe misionet e saj diplomatike janë në kontakt me diasporën indiane në rajon.