Nëse rri për njëfarë kohe me Gjeneratën Z, do të të thuhet se gjuha jote, mënyre jote e veshjes dhe ideologjia jote nuk i përshtaten kohës. Me pak fjalë, do të ndihesh i vjetër. Por si për ironi, Gjenerata Z – të lindurit nga viti 1997 deri në vitin 2012 – po plaken më shpejt, të paktën për sa i përket pamjes. Këtë e thotë një mjek kozmetik, i cili ka detajuar se si ky brez i ri është më i interesuar për operacionet dhe injeksionet për të ndryshuar pamjen e tyre. Por duke filluar në një moshë kaq të re, disa që në moshën 18-vjeçare, mjeku tha se të rinjtë në fund duken shumë më të vjetër.

Dr. Ross Perry, drejtues mjekësor në Cosmedics Skin Clinics, tha se injeksionet kanë një ndikim të dukshëm, sidomos nëse i bën para moshës 26 vjeçare. Ai shpjegoi se si Gjenerata Z po favorizonte procedura si mbushësit dhe botoksin, i cili zakonisht është i popullarizuar në mesin e grupeve më të vjetra.

Rrjetet sociale mund të jenë një arsye pse të rinjtë ndjejnë presionin për t'u dukur në një mënyrë të caktuar, tha Dr Perry. "Nuk është e pazakontë të shohësh 18-vjeçarë me mbushës buzësh", tha Dr Perry për Daily Mail. "20-vjeçarët po bëjnë botoks dhe mbushës, grim gjysmë të përhershëm në formën e vetullave dhe buzëve".

Ai shtoi se këto "bashkë mund t'ju bëjnë të dukeni më të vjetër dhe sapo t'i hyni kësaj rruge, është shumë e vështirë të riktheheni krejt të natyrshëm, sidomos kur fillojnë "afirmimet" në rrjetet sociale. Çuditërisht, nuk janë vetëm të rriturit e Gjeneratës Z që po e bëjnë këtë gjë, pasi edhe ata që janë më të rinj se 18 vjeç po bëjnë për injeksione.

Në vitin 2021, injeksionet e stilit botoks u ndaluan për moshat nën 18 vjeç, pasi zbulimet e qeverisë vlerësuan se 41,000 trajtime u ishin dhënë personave nën këtë moshë në vitin 2020.

Por kjo nuk e ka zbehur popullaritetin e saj. Në vitin 2022, anëtarët e Kolegjit Britanik të Mjekësisë Estetike kryen 315,000 procedura individuale të injeksioneve të toksinës botulinum. Me rreth 8% të pacientëve të moshës 18 deri në 24 vjeç, kjo është ende e barabartë me mbi 25,000 procedura për atë grup moshe.

Të rinjtë që morën këto trajtime shpjeguan më parë arsyet e tyre për fillimin kaq herët, duke përfshirë zbritjet në vendin e punës, presionet e rrjeteve sociale dhe kënaqësinë e menjëhershme që vjen më pas.

Emily Ruse, tani 25 vjeçe, ka marrë injeksione kundër rrudhave në moshën 20-vjeçare. Ajo tha për Metro.co.uk: "Më pëlqejnë efektet e botoksit. Ka atë kënaqësi të menjëhershme pasi të duhet vetëm një trajtim për të parë se ka një efekt, ndërsa trajtimet e lëkurës kërkojnë më shumë kohë dhe angazhim.

"Besoj se puna për cilësinë e përgjithshme të lëkurës sime dhe rritja e niveleve të kolagjenit është më proaktive në këtë moshë dhe do të parandalojë sasinë e punës korrigjuese që duhet të bëj në të ardhmen.

Georgia Eather, një 29-vjeçare që shpenzon 195 sterlina në seancë një herë ose dy herë në vit, shtoi: "Fillova të vërej disa vija të thella midis vetullave të mia rreth dy vjet më parë dhe mendova të bëja botoks për t'i trajtuar. "Jam e vetëdijshme që jam e re, kështu që marr sasi minimale produktesh gjatë seancave të ndara, por më pëlqen besimi që më jep. Patjetër do të vazhdoj ta marr."

Pandemia gjithashtu i ka bërë njerëzit më të vetëdijshëm për fytyrat e tyre se kurrë më parë. Sipas Dr Julian De Silva në Harley Street, bllokimi çoi në një lulëzim të 'lifting-un e fytyrës nga Covid-i', një prirje tek njerëzit që e shohin veten më shpesh në ekran falë Zoom-it.

Klinika Karidis në Londrën Veriore pa një rritje të jashtëzakonshme prej 64% të kërkesës së përgjithshme të procedurave vitin e kaluar, gjë që themeluesi sugjeron gjithashtu se është për shkak të "njerëzve që kalojnë kohë duke parë veten në telefonata me video". Nëse po mendoni të bëni ndërhyrje, konsultohuni me ekspertë dhe njerëz që kanë pasur përvojë./Msn-përkthey Syri.net