Policia u kthye në shtëpinë ku kishte parë makinën e zezë dhe vunë re që porta e rezidencës ishte hapur me forcë dhe dera e përparme ishte dëmtuar,

Rezidenca e Nikos Aliagas, prezantues i njohur në Francë u bë objekt i një tentative grabitje në shtëpinë e tij. Mediat franceze raportojnë se të dyshuarit nuk kanë arritur të hyjnë në shtëpi, ata shkaktuan vetëm dëme dhe u arrestuan. Prezantuesi i Star Academy nuk ishte aty në momentin e incidentit. Ishte një patrullë policie që ndoshta bëri të mundur zbulimin e tentativës së grabitjes.

Rreth orës 3:30 të mëngjesit, policia vuri re një Citroën DS të zezë të parkuar përgjatë një rruge të pasur banim. Ndërsa kaluan, pesë personat në bord nxituan dhe fikën të gjitha dritat, duke refuzuar t’i binden policisë. Ata u ndoqën nga policia dhe gjithçka përfundoi kur makina e grabitësve u përplas me një pemë. Ata u plagosën lehtë dhe u dërguan në spital. Aktualisht ata ndodhen në paraburgim.

Në makinën e tyre, policia zbuloi pajisje që linin pak dyshime për qëllimet e të dyshuarve: kapuça, doreza, shirit ngjitës të trashë dhe mbajtëse përkulëse. Më pas policia u kthye në shtëpinë ku kishte parë makinën e zezë dhe vunë re që porta e rezidencës ishte hapur me forcë dhe dera e përparme ishte dëmtuar. Por personat nuk kanë mundur të hyjnë në shtëpi për shkak të alarmit.

Të premten e kaluar, ishte Etienne Leenhardt, zëvendësdrejtor i informacionit në France Télé, dikur prezantues i programit gjeopolitik "Un oeil sur la planet", i cili e gjeti shtëpinë e tij në Sèvres të grabitur. As ai nuk ishte aty kur individë u ngjitën në ballkonin e katit të parë të shtëpisë së tij për të thyer dritaren me levë.

Një procedurë që të kujton atë të zbatuar nga tre burra të cilët më 20 dhjetor hynë në shtëpinë e këngëtares Vitaa, duke u përballur me artisten dhe anëtarët e familjes së saj.