Fushata e ish-presidentit Tramp tha se do të apelojë vendimin e sekretares të shtetit të Meinit të enjten për ta ndaluar atë nga votimi në primare. Sekretarja e Shtetit Shena Bellous (D) përcaktoi të enjten se veprimet e Tramp rreth trazirave të 6 janarit në Kapitol shkelën nenin e Amendamentit të 14-të që ndalon ata që "ndihmojnë rebelimet" nga mbajtja e funksionit, shkruan The Hill.

Fushata e Trampit e denoncoi shpejt vendimin, duke e sulmuar Bellous si një "të majtë virulente dhe një demokrate hiperpartizan që mbështet Baidenin".

"Ne po dëshmojmë, në kohë reale, tentativa për vjedhje të zgjedhjeve dhe heqjen e të drejtës së votës së zgjedhësve amerikanë," tha Çeung në një deklaratë. ""Këto përpjekje partizane për ndërhyrje në zgjedhje janë një sulm armiqësor ndaj demokracisë amerikane."

Çeung tha se fushata do të apelojë vendimin.

"Ne e dimë se si Kushtetuta ashtu edhe populli amerikan janë në anën tonë në këtë luftë," vazhdoi ai. "Fushata dominuese e presidentit Tramp ka një epërsi të fortë në sondazhe, e cila është zmadhuar në mënyrë dramatike pasi presidenca e korruptuar e Xho Baidenit vazhdon të dështojë".

Bellous argumentoi se Tramp "përdori një narrativë të rreme të mashtrimit zgjedhor për të ndezur mbështetësit e tij" dhe "ishte i vetëdijshëm për gjasat për dhunë dhe të paktën fillimisht e mbështeti përdorimin e saj duke qenë se ai e inkurajoi atë me retorikë ndezëse dhe nuk ndërmori asnjë veprim në kohë për ta ndaluar atë."

Avokatët e Trampit kërkuan më parë që Bellous, një demokrate, të tërhiqej nga vendimi nëse Trampi duhet të vendoset në fletëvotim. Në vendimin e së enjtes, Bellous tha se kërkesa ishte në një moment të papërshtatshëm.

"Nëse mocioni do të ishte bërë në kohën e duhur, unë do të kisha vendosur ta kryesoja këtë çështje në mënyrë të paanshme dhe pa paragjykime," shkroi ajo. "Vendimi im bazohet ekskluzivisht në të dhënat para meje dhe në asnjë mënyrë nuk është ndikuar nga përkatësia ime politike apo pikëpamjet personale për ngjarjet e 6 janarit 2021."