Prej pesë vjetësh, për herëtë parë nuk ka pasur asnjë kalim këtë Krishtlindje në kanalin që emigrantët përdorin për të mbërritur në Britaninë e Madhe.
Asnjë kalim i Kanalit nuk u zhvillua në prag të Krishtlindjes, ditën e Krishtlindjes apo pas tyre këtë vit, sipas Zyrës së Brendshme.
Kjo do të thotë se prej 10 ditësh nuk ka pasur asnjë mbërritje të regjistruar. Kushtet e këqija të motit kanë kontribuar në pauzën e aktivitetit.
Udhëtimi i fundit u regjistrua më 16 dhjetor, ku vetëm një varkë me 55 persona bëri udhëtimin për në Angli nga Franca, shkruan Sky News.
Numri i kalimeve këtë vit është 36% më i ulët në krahasim me këtë kohë në vitit të kaluar. Në vitin 2022, një rekord prej 45,774 njerëz mbërritën në Mbretërinë e Bashkuar pas udhëtimit, por totali i këtij viti deri më tani është 29,437
Në fillim të këtij viti, kryeministri britanik Rishi Sunak vendosi trajtimin e rritjes së kalimeve me varka të vogla në krye të listës së detyrave të tij, duke u zotuar të miratojë një ligj të ri për të ndaluar dhe larguar me shpejtësi çdo emigrant që mbërriti.
© SYRI.net