Aktivistët e të drejtave të njeriut në Argjentinë kanë shprehur shqetësim lidhur me udhëzimet e reja të sigurisë për të shtypur një valë të parashikuar protestash pasi qeveria e ardhshme e presidentit Javier Milei zhvlerësoi monedhën e vendit me më shumë se 50%.

Individët dhe organizatat protestuese do të identifikohen me “mjete video, dixhitale ose manuale” dhe më pas do të faturohen për koston e dërgimit të forcave të sigurisë në demonstratat e tyre, tha ministrja e sigurisë, Patricia Bullrich.

“Shteti nuk do të paguajë për përdorimin e forcave të sigurisë, organizatat që kanë status ligjor do të duhet të paguajnë ose individët do të duhet të përballojnë koston, “tha ajo.

“Ne kemi jetuar për shumë vite në një çrregullim total dhe absolut. Është koha për t’i dhënë fund kësaj metode”, tha Bullrich.

Ligjvënësi i majtë dhe ish-kandidatja presidenciale Myriam Bregman tha në X: “Ajo që njoftoi Bullrich është absolutisht antikushtetuese… E drejta për të protestuar është e para e të gjitha të drejtave.”

José Luis Espert, një ligjvënës me partinë e Mileit, u përgjigj me një frazë me tre fjalë: “Burg ose plumb.”