Më shumë se 10,000 civilë janë vrarë në Ukrainë që nga pushtimi i Rusisë në shkurt 2022, sipas një deklarate nga Zyra e OKB-së për të Drejtat e Njeriut.

Misioni i OKB-së për të Drejtat e Njeriut në Ukrainë, i cili ka dhjetëra vëzhgues në vend, tha se pret që numri i vërtetë të jetë “dukshëm më i lartë” se shifra zyrtare pasi puna konfirmuese është duke vazhduar, shkruan Reuters.

Kjo përfshin ngjarjet në muajt e parë pas pushtimit, si beteja për kontrollin e Mariupolit, ku banorët raportuan viktima të larta civile.

“Dhjetë mijë vdekje të civilëve është një moment historik i zymtë për Ukrainën,” tha Danielle Bell, e cila kryeson misionin e monitorimit.

“Lufta e Federatës Ruse kundër Ukrainës, duke hyrë tashmë në muajin e saj të 21-të, rrezikon të evoluojë në një konflikt të zgjatur, me koston e rëndë njerëzore që është e dhimbshme për t’u kuptuar”, shtoi ajo.