Numri i fundit i vdekjeve është 8924 palestinezë dhe të paktën 1405 njerëz të vrarë në Izrael që nga 7 tetori.

Izraeli ka goditur Rripin e Gazës për të 26-ën ditë radhazi, ndërsa enklava e rrethuar palestineze po përballet me një katastrofë humanitare gjithmonë në rritje.

Këto janë shifrat më të fundit të viktimave deri më 31 tetor, 13:15 me orën lokale (10:15 GMT):

Gaza

Të vrarë: të paktën 8796

Duke përfshirë të paktën:

3648 fëmijë

2290 gra

Të plagosur: Të paktën 22,219

Duke përfshirë të paktën:

6360 fëmijë

4891 gra

Bregu Perëndimor i pushtuar

Të vrarë: të paktën 128

Të plagosur: Të paktën 1980

Izrael

Të vrarë: të paktën 1405

Të plagosur: Të paktën 5431

Shifrat janë raportuar nga ministria palestineze e shëndetësisë, Shoqata e Gjysmëhënës së Kuqe Palestineze dhe Shërbimet Mjekësore Izraelite.

Banorët në Gaza janë dyndur në spitale dhe në shkollat e Kombeve të Bashkuara për siguri, duke shpresuar se Izraeli do t'i bindet ligjit ndërkombëtar dhe nuk do t'i sulmojë ato koordinata.

Megjithatë, vendet e strehimit gjithashtu nuk kanë qenë të lira nga sulmet izraelite.

Kjo është një listë e infrastrukturës dhe objekteve të tjera që janë dëmtuar ose mbyllur në Gaza që nga 31 tetori.

Sulmi vdekjeprurës në një spital në Gaza

Më 17 tetor, një sulm ajror izraelit në një spital të Gazës vrau të paktën 471 njerëz, sipas zyrtarëve palestinezë në enklavën e rrethuar.

I ndodhur në qendër të Gazës, Spitali Arab al-Ahli, i cili drejtohet nga Dioqeza Episkopale e Jeruzalemit, u godit ndërsa ishte i mbingarkuar me mijëra palestinezë që kërkonin strehim në mes të një fushate sulmesh brutale ajrore izraelite në pjesën më të madhe të Rripit të Gazës të rrethuar.

Ministria e shëndetësisë në Gaza tha se shpërthimi në spital ishte shkaktuar nga një sulm ajror izraelit. Izraeli spitali është goditur nga një raketë e lëshuar gabimisht nga grupi i armatosur i Xhihadit Islamik Palestinez (PIJ). PIJ i ka mohuar akuzat.

Izraeli hedh 6000 bomba në Gaza në gjashtë ditë

Izraeli thotë se ka hedhur 6000 bomba në Rripin e Gazës që nga sulmi i Hamasit më 7 tetor, gati sa përputhet me numrin e bombave që SHBA përdori në Afganistan në një vit.

Afganistani është pothuajse 1800 herë më i madh se enklava e rrethuar.

16 vjet bllokadë izraelite

Gaza ka një popullsi prej rreth 2.3 milion banorë që jetojnë në një nga zonat më të dendura të populluara në botë. I ndodhur mes Izraelit dhe Egjiptit në bregun e Mesdheut, rripi është rreth 365 km katrorë.

Që nga viti 2007, Izraeli ka mbajtur kontroll të rreptë mbi hapësirën ajrore dhe ujërat territoriale të Gazës dhe ka kufizuar lëvizjen e mallrave dhe njerëzve brenda dhe jashtë Gazës.

Pas sulmit të Hamasit, kryeministri izraelit Benjamin Netanyahu ka kërcënuar se do ta kthejë Gazën në një "ishull të shkretë" dhe paralajmëroi banorët e saj që "të largohen tani".

Si u bë sulmi i Hamasit

Të shtunën në mëngjes, rreth orës 6:30 të mëngjesit (03:30 GMT), Hamasi lëshoi një breshëri të madhe raketash drejt Izraelit jugor me sirena të dëgjuara deri në Tel Aviv dhe Beersheba.

Grupi tha se lëshoi 5000 raketa në breshërinë fillestare. Ushtria izraelite tha se u hodhën 2500 raketa.

Rreth një orë më vonë, luftëtarët kaluan në Izrael në një operacion të paprecedent të shumanshëm përmes tokës, ajrit dhe detit. Shumica e luftëtarëve hynë përmes thyerjeve në barrierat e sigurisë që ndanin Gazën nga Izraeli.

Sulmi i befasishëm i Hamasit erdhi pasi kolonët izraelitë sulmuan kompleksin e Xhamisë Al-Aksa ditët e fundit dhe një numër rekord palestinezësh u vranë nga Izraeli në muajt e fundit.

Në orën 9:45 të mëngjesit (06:45 GMT), shpërthime u dëgjuan në Gaza dhe në orën 10 të mëngjesit (07:00 GMT), zëdhënësi ushtarak i Izraelit tha se forcat ajrore po kryenin sulme në Gaza.

Betejat me armë vazhduan mes forcave izraelite dhe luftëtarëve palestinezë në disa zona të Izraelit jugor./AlJazeera-përktheu Syri.net

 

Sulmet ajrore izraelite vazhduan deri në orët e vona të natës, si dhe u lëshuan raketa në jug të Izraelit.

 

Lagjet me popullsi të dendur të Gazës

Rripi i Gazës përbëhet pesë governoratë: Gaza e Veriut, Qyteti i Gazës, Deir el-Balah, Khan Younis dhe Rafah.

 

Gaza e Veriut shtrihet për 10 km dhe ndan të vetmin korridor në Izrael përmes Beit Hanoon, i njohur gjithashtu si korridori i Erezit.

 

Në Gazën e Veriut ndodhet kampi i refugjatëve Jabalia, më i madhi në rrip.

 

Qyteti i Gazës është qyteti më i madh dhe më i populluar në Rripin e Gazës, me më shumë se 750,000 banorë. Rimal, Shujaiya dhe Tel al-Hawa janë ndër lagjet e tij më të njohura.

 

Në zemër të lagjes Rimal është Spitali al-Shifa, objekti më i madh mjekësor në Rripin e Gazës.

 

Deir el-Balah është një nga prodhuesit më të mëdhenj bujqësorë të Gazës. Në të janë edhe katër kampe refugjatësh: Nuseirat, al-Bureij, al-Maghazi dhe Deir el-Balah.

 

Termocentrali i vetëm operativ i Gazës ndodhet përgjatë kufirit të distriktit me qytetin e Gazës.

 

Në Khan Younis ka rreth 430,000 banorë. Në qendër të tij është kampi i refugjatëve Khan Younis, ku jetojnë rreth 90,000 njerëz.

 

Rafah është distrikti më jugor i Gazës me një popullsi prej rreth 275,000 banorësh. Rafah quhet edhe vendkalimi me Egjiptin që ndodhet këtu.

 

Si Izraeli ashtu edhe Egjipti i kanë mbajtur kufijtë e tyre kryesisht të mbyllur dhe janë përgjegjës për përkeqësimin e mëtejshëm të situatës tashmë të dobësuar ekonomike dhe humanitare.