Egjipti ka fajësuar qeverinë izraelite se nuk ka hapur ende vendkalimin Rafah në Rripin jugor të Gazës. Ministri i Jashtëm i Egjiptit, Sameh Shoukry, në një konferencë të përbashkët për shtyp me homologen e tij franceze, Catherine Colonna, tha se qeveria izraelite nuk lejoi hapjen e vendkalimit, ndërsa ai e cilësoi situatën si “të rrezikshme” nga palestinezët në Gaza.

Disa lëvizje të cisternave me flamuj të OKB-së u panë sot në kufi, ndërsa dhjetëra kamionë me ndihma janë duke pritur në vendkalimin midis Egjiptit dhe Rripit të Gazës, i cili mbetet i mbyllur.

Dorëzimi i ndihmave humanitare dhe evakuimi i kufizuar i banorëve përmes kalimit të vetëm të Gazës që Izraeli nuk e kontrollon mbetet në dyshim pas raportimeve për një marrëveshje të përkohshme armëpushimi nga burime egjiptiane, të cilat Izraeli dhe Hamasi e kanë mohuar.

Ndërkohë, kreu i Ligës Arabe bëri thirrje për përfundimin e menjëhershëm të operacioneve ushtarake në Rripin e Gazës dhe lejimin e ndihmave në enklavën palestineze.