Rrjeti amerikan, Fox News, raporton se administrata e Joe Biden ka dërguar të paktën 33.7 milionë dollarë te një organizatë palestineze, e lidhur me Hamasin.
Sipas investigimit, fondi prej 33.7 milionë dollarësh kishte për qëllim që të luftohej koronavirusi.
Por ato përfunduan në duart e një organizate palestineze, e cila është akuzuar se shërben si strehë e sigurt për terroristët në Gaza.
Rrjeti amerikan thekson se bëhet fjalë për organizatën ‘Agjencia e Kombeve të Bashkuara për Ndihmën dhe Punët’.
Por kjo organizatë është kritikuar vazhdimisht vitet e fundit se nuk bën mjaftueshëm për të parandaluar që ndihmat të arrijnë në duart e terroristëve të Hamasit.
Lokacionet e kësaj organizate thuhet se kanë strehuar aktivitetet e Hamasit dhe kanë përhapur propagandën e Hamasit në shkolla.
Në vitin 2014, revista e majtë amerikane ‘Republika e Re’, shkruante se kjo organizatë në fakt vepron si një ‘degë efektive e Hamasit’.
Kjo organizatë mendohet se ka marrë në total 730 milionë dollarë nga administrata e Biden.
Një zëdhënës i Departamentit të Shtetit tha se kjo organizatë ka rëndësi jetike për të ndihmuar civilët palestinezë me ushqime dhe ka një mandat nga Kombet e Bashkuara.
© SYRI.net