Autoritetet pakistaneze urdhëruan sot të gjithë emigrantët e paligjshëm të largohen nga vendi ose do të përballen me deportim. Vendimi erdhi pasi u zbulua se 14 nga 24 sulmet vetëvrasëse këtë vit ishin kryer nga afganët.

Ministri i Brendshëm i Pakistanit Sarfraz Bugti tha se të gjithë emigrantët e paligjshëm duhet të largohen nga Pakistani deri më 1 nëntor.

Ai deklaroi se rreth 1.7 milionë shtetas afganë në Pakistan nuk kanë leje qëndrimi të ligjshme.