Ndërsa qindra kalime të paligjshme emigrantësh njoftohen çdo ditë, më shumë se gjysmë milioni kërkesa për azil janë regjistruar në vendet e Europës deri në fund të qershorit.

Agjencia e azilit të BE ka publikuar të dhënat, sipas të cilave rezulton se numri I azilkërkuesve për gjysmën e parë të 2023 është 28% më I lartë se e njëta periudhë e një viti më parë.

Rrjedhimisht, numri i çështjeve në pritje të vendimeve është rritur gjithashtu me 34 %, vijon raporti, dhe si rezultat shumë vende të BE janë nën presion me përpunimin e aplikacioneve dhe mbrojtjen e njerëzve në nevojë.

Vec të tjerash, rreth 4 milionë ukrainas që ikin nga pushtimi rus, aktualisht përfitojnë nga Mbrojtja e Përkohshme në shtetet europiane.

Shumica e kërkesave për azil, 44%, janë dorëzuar nga shtetas të Sirisë, Afganistanit, Venezuelës, Turqisë dhe Kolumbisë dhe Gjermania vijon të jetë destinacioni më I kërkuar prej tyre, I pasuar nga Spanja dhe Franca

Aplikimet e nga Bregu I fildishtë u dyfishuan këtë periudhë , ndërsa aplikimet guine u rritën me 60% krahasuar me të njëjtën periudhë të një viti më parë.

Megjithatë, të marra së bashku, aplikimet nga këto dy kombësi ende përbëjnë vetëm 3,5 % të shifrës së përgjithshme. Franca historikisht, është prirur të marrë shumicën e këtyre kërkesave, por 6 mujori I fundit ka shënuar përqëndrim të madh të tyre në Itali, konkludojnë ekspertët e agjencisë së azilit të BE.