Autoritetet në Haëaii po përpiqen të përcaktojnë se si filluan zjarret më vdekjeprurëse që kanë ndodhur në SHBA në më shumë se një shekull, ndërsa numri i viktimave shkoi mbi 100 dhe me shumë viktima të tjera priten në ditët në vijim.
Zyrtarëve u është dashur të sjellin një makineri të lëvizshme morgu për të ndihmuar në identifikimin e mbetjeve të njerëzve të djegur nga zjarret që shkatërruan ishullin Maui.
Rreth 1,300 njerëz janë ende të zhdukur dhe ndërsa punëtorët e shpëtimit dhe qentë e kërkimit krehin rrënojat, atyre u është thënë se do të gjejnë shumë kufoma të tjera, veçanërisht në qytetin historik të Lahaina, i cili u shkatërrua nga flakët.
Edhe aty ku zjarret janë tërhequr, autoritetet kanë paralajmëruar se nënproduktet toksike mund të mbeten, duke përfshirë ujin e pijshëm, pasi flakët kanë nxjerrë tym helmues.
Agjencia Federale e Menaxhimit të Emergjencave të SHBA (FEMA) thotë se po punon ngushtë me partnerët e shtetit, qarkut dhe federal në përpjekjet e reagimit dhe për të ndihmuar të mbijetuarit.
Në terren, ka më shumë se 190 anëtarë të ekipit të kërkim-shpëtimit dhe mbi 380 punonjës të FEMA.
Kompania e energjisë Haëaii nën presion
Ndërsa përpjekjet e shpëtimit dhe pastrimit vazhdojnë, ato fokusohen gjithashtu në mënyrën se si zjarret filluan dhe u përhapën kaq shpejt.
Pamjet kanë treguar si dëshmi kyçe, linjat e rrëzuara elektrike si shkaktare të mundshme.
"Dëgjoj një zhurmë që erdhi nga matanë rrugës," tha banori Shane True. "Sapo e dëgjova muzikën, gjithçka që dëgjova ishte si elektrike dhe shoh, ka një linjë elektrike aty dhe pak më vonë, ajo sapo u përkul në tokë, u shtri në bar të thatë e pati shkëndija e më pas zjarr."
Haëai Electric Co. përballet me kritika për moskufizimin e energjisë pas paralajmërimeve për erë të fortë dhe për mbajtjen e energjisë në rrjet edhe pse dhjetëra shtylla filluan të rrëzohen.
Një padi kolektive është ngritur tashmë që synon ta bëjë kompaninë përgjegjëse për vdekjet.
Padia citon vetë dokumentet e ndërmarrjes që tregojnë se ajo ishte e vetëdijshme se mbylljet parandaluese të energjisë, si ato të përdorura në Kaliforni, ishin një strategji efektive për të parandaluar zjarret, por që kurrë nuk i miratoi.
© SYRI.net