Partitë politike evropiane do të duhet të vendosin përpara zgjedhjeve të vitit të ardhshëm nëse do të nxjerrin kandidatë për rolin më të lartë ekzekutiv të BE-së, edhe pse presidenti i Komisionit Evropian u zgjodh jashtë procesit katër vjet më parë.

Ka pasur shumë spekulime nëse partitë politike evropiane do të kandidojnë emra të njohur si “spitzenkandidaten” në zgjedhjet e BE-së të vitit të ardhshëm, pasi udhëheqësit e prishën procesin në vitin 2019 duke emëruar dikë në një nga pozicionet më të fuqishme të bllokut përmes një marrëveshjeje.

Procesi, ku partitë konkurrojnë me kandidatët për rolin e presidentit të Komisionit Evropian, u ndoq në votimet e 2014 dhe 2019. Madje gjatë ciklit të fundit zgjedhor u organizua edhe një debat televiziv mes gjashtë kandidatëve.

Por liderët zgjodhën në vend të kësaj t'iajepnin vendin e punës Ursula von der Leyen, e cila nuk ishte kandidate në atë kohë, në vend të kandidatit të zgjedhur të partisë së saj politike, që kishte kaluar muaj në fushatë.

Politikanët evropianë tani po debatojnë nëse partitë do të jenë në gjendje të bien dakord këtë herë për të vazhduar me procesin.

Partia Popullore Evropiane (EPP), partia më e madhe në parlament, ka të ngjarë të ketë një kandidat kryesor, pasi është një kusht i shkruar në statutet e partisë.

Kandidate mund të jetë edhe vetë presidentja aktuale e Komisionit, von der Leyen këtë vit, nëse ajo vendos të përpiqet të qëndrojë si presidente.