Tetë persona humbën jetën për shkak të rrëshqitjes masive të dheut që goditi qytetin e Casamicciola në ishullin italian të Ischia të shtunën në mëngjes, njoftoi kanali i lajmeve SkyTg24, duke cituar ministrin e Infrastrukturës dhe Transportit të Italisë, zëvendëskryeministrin Matteo Salvini.
Informacioni i Salvinit për të vdekurit nuk u konfirmua nga prefekti i Napolit, Claudio Paloba .
"Për momentin nuk kemi asnjë vdekje të konfirmuar," tha Paloba, duke folur për mediat.
“Familja me të porsalindurin është gjetur dhe do të shkojnë në spital. U aktivizuan menjëherë objektet shëndetësore”.
Për momentin, shtoi Paloba, janë 12 të zhdukur.
Gjithashtu, janë shembur dhjetë ndërtesa, ndërsa mëngjesin e sotëm është evakuuar një hotel me dhjetëra turistë.
Më herët, mediat lokale raportuan se të paktën 13 persona, përfshirë një foshnjë, janë zhdukur si pasojë e rrëshqitjes së dheut të shkaktuar nga shirat e dendur.
Disa shtëpi u varrosën nën gurë, ndërsa rrjedhe të mëdha balte përmbytën rrugët e qytetit dhe dëmtuan shumë makina.
Sipas autoriteteve lokale, 120 milimetra shi ranë në Ischia të premten.
Shkak i fatkeqësisë së madhe ishte shembja e një pjese të shpatit të malit, për shkak të shiut të pandërprerë.
Fenomenet ekstreme të motit kanë shkaktuar fatkeqësi të mëdha në Ischia dhe në vitin 2009 dhe 2017.
Kryetarët e rajonit u kërkojnë qytetarëve që të mos lëvizin deri në përfundimin e gjendjes së jashtëzakonshme.
Oggi non è un #Buongiorno per gli abitanti di Casamicciola Terme - #Ischia 😢😢😢 #emergenza #alluvione pic.twitter.com/iqNbxytdXx
— M@rio (@jardelm2017) November 26, 2022
© SYRI.net