Australi - Rreth 2500 persona të zhveshur lakuriq me dëshirën e tyre kanë pozuar në mëngjes herët në plazhin Bondi të Sidneit për një vepër arti të krijuar për të rritur ndërgjegjësimin për kancerin e lëkurës.
Instalacioni është projekti më i fundit i fotografit amerikan Spencer Tunick, që synon të inkurajojë australianët që të bëjnë kontrolle të rregullta të lëkurës.
Legjislacioni u ndryshua për të lejuar për herë të parë lakuriqësinë publike në plazh.
Australia është vendi më i prekur në botë nga kanceri i lëkurës, thotë Fondi Botëror i Kërkimit të Kancerit.
Nga ora 3:30 me orën lokale, vullnetarët u mblodhën në plazh për të marrë pjesë në instalimin, i bërë në bashkëpunim me shoqatën bamirëse Skin Check Champions gjatë javës së ndërgjegjësimit për kancerin e lëkurës.
"Ne kemi një mundësi për të rritur ndërgjegjësimin për kontrollet e lëkurës dhe unë jam i nderuar... të vij këtu, të bëj artin tim dhe thjesht të festoj për trupin dhe mbrojtjen," tha artisti me famë botërore Tunick.
Bruce Fisher, 77 vjeç, i cili mori pjesë në ngjarje, i tha AFP: "Kam kaluar gjysmën e jetës sime në diell dhe më janë hequr disa melanoma malinje nga shpina.
“Mendova se kjo ishte një kauzë e mirë dhe më pëlqen t’i heq rrobat në plazhin Bondi”.
Tunick është i njohur për krijimin e imazheve të nudove masive në disa nga vendet më ikonike të botës.
© SYRI.net