Nën sundimin taleban nga viti 1996 deri në vitin 2001, vajzave u ndalohej shkolla, gratë nuk mund të punonin dhe duhej të mbulonin fytyrat dhe të shoqëroheshin nga një i afërm mashkull kur dilnin nga shtëpia.

Një grup grash afgane i kërkuan Organizatës së Kombeve të Bashkuara të ndalojnë talebanët të zënë vend në organizatën botërore, duke bërë thirrje për përfaqësim më të mirë të vendit të tyre gjatë një vizite në selinë e OKB-së në Nju Jork të enjten.

"Është shumë e thjeshtë," u tha gazetarëve jashtë Këshillit të Sigurimit të OKB-së në Nju Jork, ish-politikania afgane dhe negociatorja e paqes Faëzia Koofi. "OKB-ja duhet t'ia japë atë vend dikujt që respekton të drejtat e të gjithëve në Afganistan."

“Për ne flitet shumë, por nuk na dëgjojnë”, tha ajo për gratë afgane. "Ndihma, paratë, njohja - të gjitha janë leva që bota duhet të përdorë për përfshirje, për respektimin e të drejtave të grave, për respektimin e të drejtave të të gjithëve."

Koofit iu bashkuan ish-politikania Naheed Fareed, ish-diplomatja Asila Wardak dhe gazetarja Anisa Shaheed.

"Kur talebanët morën Afganistanin... ata thanë se do t'u japin leje grave që të rifillojnë punën, të kthehen në shkollë, por ata nuk e mbajtën atë premtim," tha Fareed.

Që nga marrja e pushtetit në mes të gushtit, liderët talebanë janë zotuar të respektojnë të drejtat e grave në përputhje me sheriatin ose ligjin islamik. Por nën sundimin taleban nga viti 1996 deri në 2001, gratë nuk mund të punonin dhe vajzat u ndaluan nga shkolla. Gratë duhej të mbulonin fytyrat dhe të shoqëroheshin nga një i afërm mashkull kur dilnin nga shtëpia.

Tashmë, Kombet e Bashkuara po shqyrtojnë pretendimet e rivalëve se kush duhet të përfaqësojë Afganistanin. Talibanët emëruan zëdhënësin e tyre me bazë në Doha, Suhail Shaheen si ambasador në OKB, ndërsa Ghulam Isaczai - i dërguari i OKB që përfaqëson qeverinë e rrëzuar nga talebanët - kërkon të mbetet në postin e tij.

Vendet anëtare të OKB pritet të marrin një vendim deri në fund të vitit.

Asila Wardak u kërkoi shteteve që t'i bëjnë presion talibanëve "të vënë fjalët e tyre në veprim" kur bëhet fjalë për të drejtat e grave, duke shtuar: "Nëse do t'u jepni atyre një vend, duhet të kenë kushte."

Gratë folën me gazetarët para se të drejtoheshin në një aktivitet të OKB për mbështetjen e grave dhe vajzave afgane, organizuar nga Britania, Katari, Kanadaja, UN Ëomen dhe Instituti Georgetoën për Gratë, Paqen dhe Sigurinë.

Këshilli i Sigurimit i OKB gjithashtu u takua veçmas të enjten për të diskutuar mbi gratë, paqen dhe sigurinë.

"Gratë dhe vajzat në Afganistan po i mbështesin shpresat dhe ëndrrat e tyre pikërisht në këtë këshill dhe organ botëror për t'i ndihmuar ato të rimarrin të drejtat e tyre për të punuar, për të udhëtuar dhe për të shkuar në shkollë," i tha Isaczai, Këshillit prej 15 anëtarësh. "Do të ishte moralisht e dënueshme nëse ne nuk bëjmë asgjë dhe i zhgënjejmë."