Publiku mund ta shohë sixhade me të kaluarën misterioze në Montacute House në Somerset tani, pas 1,300 orësh punë konservimi.

Një sixhade e shekullit të 15-të me një histori misterioze, më e vjetra në pronësi të National Trust, po rikthehet për prezantim pasi ekspertët kaluan katër vjet duke e pastruar dhe ruajtur atë.

Sixhadja në Montacute House në Somerset përshkruan një kalorës me armaturë të blinduar duke parakaluar me kalin e tij të zbukuruar në mënyrë elegante në një sfond blu të errët të mbuluar me një model lulesh shumë të detajuar, të quajtur millefleurs, ose një mijë lule.

Por 1,300 orë pastrim dhe konservim nga ekspertë për të forcuar dhe nxjerrë në pah ngjyrat e sixhades, ka ringjallur pyetjet mbi historinë e veprës, e cila u zhduk me shekuj dhe është një pjesë e një grupi shumë më të madh dhe të pazbuluar.

Kalorësi tregohet me stemën e Jean de Daillon, një fisniku dhe mik i mbretit Louis XI të Francës. Ajo që dihet është se Daillon porositi sixhade në vitin 1477 nga endësi Guillaume Desremaulx në qytetin Tournai, në atë që tani është Belgjika. Pas përfundimit, ajo iu paraqit atij si një dhuratë nga njerëzit e Tournai.

Megjithëse e madhe 3.57 metra me 2.82 metra, sixhadja është vetëm një pjesë e një grupi, 20 herë më të madh, mbi 300 metra katrorë, tha Trusti Kombëtar.

Për fat të keq Daillon nuk kishte shumë kohë për të gëzuar dhuratën e tij - ai vdiq në 1481 dhe mund të mos i ketë parë veprat e përfunduara. Sixhadja, dhe me sa duket pjesët e tjera, u panë për herë të fundit vitin tjetër kur e veja e tij Marie Laval ia dorëzoi atë një sipërmarrësi të mirënjohur që tregtonte verë dhe sixhade.

Ato pastaj u zhdukën nga historia për më shumë se 400 vjet deri në vitin 1910 kur kalorësi u shfaq në një ekspozitë në Muzeun Metropolitan të Artit në Nju Jork.

Në 1935, u ble nga sër Malcolm Stewart i cili e la trashëgiminë e koleksionit të tij të sixhadeve në Trustin Kombëtar. Origjina doli në dritë vetëm në mesin e viteve 1970 kur një studiues identifikoi stemën në sixhade që i përkiste Daillon.