Mbreti i Arabisë Saudite, Salman bin Abdul Aziz, po shkon në Indonezi këtë javë . Sipas The Washington Post, Mbreti Salman po e viziton këtë shtet së bashku me 506 tonë ngarkesë, një shumë që përkthehet afërsisht në 240 elefantë ose 300 makina.

Është hera e parë që një mbret saudit viziton këtë vend në 46 vjet. Ndër ngarkesat e mëdha janë disa sende mjaft luksoze: Jo vetëm që Mbreti Salman do të udhëtojë me dy limuzina Mercedes-Benz S600, por edhe me metodat e tij vertikale të transportit në formën e dy ashensorëve elektrikë.

Sigurisht, meqenëse bagazhet e mbretit tejkalojnë edhe politikat më liberale të transportit, transportimi i ngarkesave është sipërmarrje e konsiderueshme.

Adji Gunaëan i kompanisë së transportit ajror PT Jasa Angkasa Semesta (JAS) thuhet se i tha agjencisë së lajmeve Antara se kompania e tij përdori 572 punëtorë për të rregulluar në mënyrën më të mirë, transportin e ngarkesës së mbretit saudit.

Nuk është vetëm bagazhi i tij i madh. Mbreti saudit po merr gjithashtu një shoqëri masive në udhëtimin nëntëditor. Sipas The Jakarta Post, rreth 1.500 njerëz do të bëjnë udhëtimin me të, përfshirë 10 ministra, 25 princa dhe të paktën 100 punonjës të sigurisë.

Edhe pse mund të duket dramatike, stili madhështor i udhëtimit nuk është asgjë e re për mbretërit sauditë. Në vitin 2015, Mbreti Salman dhe një ekip prej 1.000 personash thuhet se zemëruan një kryebashkiak në Rivierën Franceze pas një përpjekjeje për të ndërtuar një ashensor në rërën e plazhit lokal pa leje. Po atë vit, kur vizitoi Uashingtonin, DC, suita mbretërore i bleu të 222 dhomat.