Një krim pasioni ka tronditur Rusinë së fundmi.

Një 'psikologe dhe trajnere seksi' ruse është goditur në mënyrë të përsëritur në kokë nga bashkëshorti i cili më pas e hodhi trupin e saj nga një ndërtesë 130 metra e lartë.

Rustam Mursalov, 24 vjeç, ka pranuar se vrau gruan e tij Alexandra Mursalova, 25 vjeç, nga 'xhelozia'.

25 vjeçarja e cila kishte dy fëmijë me Mursalov, punonte me klientë të pasur në Shën Petersburg.

Ajo pretendonte se mund t'i "mësonte njerëzit si të duan", duke thënë: "Unë e shoh problemin në 15 minuta. Unë zgjidh gjithçka në katër seanca ".

25-vjeçarja ruse nuk ka ngurruar të flas me ndjekësit për krizën në martesën e saj dhe se burri i saj e kishte kërcënuar disa herë se do ta vriste. 

Dhe jo vetëm atë, por edhe fëmijët e tyre, të moshës shtatë dhe dy vjeç.

"Ai trokiti në derë, duke thënë se do të më vriste mua dhe më pas do të vriste fëmijët", ishte një nga mesazhet e Marsalovas në rrjetet sociale.

"I mora fëmijët dhe ndërrova shtëpi, por ai vinte çdo natë, trokiste në derë, na zgjonte dhe i trembte fëmijët," shkruante në një tjetër postim 25 vjeçarja.

Sidoqoftë, nuk ishte e qartë nëse nëna e re e raportoi këtë sjellje në polici apo kishte kërkuar mbrojtje nga autoritetet. 

Ajo i kishte siguruar ndjekësit e saj se ajo e dinte se si të merrej me situatën.

''Kam fituar shumë para dhe ai është xheloz për mua për këtë. Burri im u përpoq të më merrte telefonin në mënyrë që unë të mos mbyllja biznesin për të cilin po flisja’ .

‘’Ne shkuam te një këshilltar i familjes. Kjo e bëri gjithçka më të lehtë, marrëdhënia jonë u rivendos duke pranuar se ai kishte gabuar ... Gjatë gjithë verës, marrëdhënia ishte thjesht e mrekullueshme. Periudha më e mirë që kam pasur ndonjëherë në lidhjen tonë. Por në gusht ai filloi të mërzitet përsëri. Paraja është një pengesë e vazhdueshme në marrëdhënien tonë," .

"Sot burri im tha që paraja shkatërron gjithçka dhe se një ditë, do të më duhet të zgjedh ose atë ose paratë" .

"Unë e dua burrin tim, por nuk jam gati të heq dorë nga dëshirat dhe ëndrrat e mia", shkruan ajo në një postim tjetër në rrjetet sociale.

Marsalova gjithashtu ishte pyetur nëse kishte një rrugëdalje. 

"Tani mendoj se duhet të shkoj në Evropë," shkroi ajo.

Pas vrasjes së gruas së tij, Marshalov iku, por më pas u dorëzua policisë dhe, sipas mediave lokale, gjatë marrjes në pyetje, "rrëfeu se kishte në plan ta vriste".

"Ai mori një thikë dhe i çoi fëmijët tek të afërmit e tyre në mënyrë që ata të mos e shihnin këtë tmerr", thanë burimet e policisë, sipas Daily Mail duke shtuar: 

"Natën e 21 shtatorit, ai ishte duke pritur për gruan e tij që mbërriti me një burrë tjetër. Dhe kur ishte vetëm me gruan e tij, ai e  godite dhjetë herë me thikë. Ai hodhi trupin e gruas së tij nga ballkoni i katit të 13 -të.