Vogëlushja që do të përfaqësojë Shqipërinë në Eurovision zbulon prapaskenat e këngës së saj

Kroni Pula, talentja e re që do të mbajë flamurin kuqezi në skenën e Eurovision Junior në Tbilisi të Gjeorgjisë, ka rrëfyer detajet e rrugëtimit të saj drejt këtij kompeticioni të rëndësishëm. Me këngën ritmike "Fruta Perime", ajo arriti të triumfojë në Festivalin e 63-të Mbarëkombëtar të Këngës për Fëmijë në Shkodër, duke fituar të drejtën për të përfaqësuar Shqipërinë.

E ftuar në KAFE SHQETO në SYRI TV, Kroni zbuloi se tema e këngës, një kompozim i Adi Hilës, ishte një surprizë për të. “Nuk e dija që do kisha një këngë me fruta perime,” shprehet ajo, duke shtuar se sapo e dëgjoi, e pëlqeu menjëherë. Së bashku me kompozitorin, ata punuan për ta pasuruar këngën me më shumë elemente muzikore, duke arritur në një rezultat përfundimtar që e kënaqi plotësisht këngëtaren e vogël.

Ajo e mban mend me saktësi momentin kur dëgjoi këngën për herë të parë: 16 Maj. Ky ishte vetëm fillimi i një aventure që kulmoi me fitoren në festivalin e Shkodrës. Duke folur për momentin e fitores, Kroni shfaq një pjekuri të pazakontë. “Kisha vetëm pak emocion. Njeriu me emocione nuk bën gjë,” tha ajo, duke treguar një qetësi dhe fokus të admirueshëm për moshën e saj.

E gjithë pjesëmarrja në festival ishte në fakt një dhuratë surprizë nga nëna e saj për ditëlindje. Vetëm në ditën finale të kompeticionit, më 1 qershor, ajo dhe konkurrentët e tjerë mësuan se fituesi do të shkonte direkt në Eurovision Junior. Tashmë, me energjinë dhe talentin e saj, Kroni Pula përgatitet të ngjitet në skenën europiane për të kënduar "Fruta Perime" përpara një audience ndërkombëtare.

Intervista në studio: 

Qarri: Mirë se erdhe! Si je ti?

Kroni Pula: Faleminderit! Mirë. Si je ti?

Qarri: Jam shumë mirë, sidomos tani që ti erdhe dhe dëgjuam dhe këngën tënde, që quhet?

Kroni Pula: Fruta Perime.

Qarri : Fruta Perime. Ti e dije që do kishe një këngë me fruta perime?

Kroni Pula : Jo. Nuk e dija. Ama kur ma bëri Adi...

Qarri : Adi Hila është kompozitori. Por i themi Adi.

Kroni Pula : Po. Okej. Kur ma bëri edhe ma tregoi, unë i thashë, uau sa këngë e bukur. Pastaj e bëmë atë këngë edhe i kemi shtuar më shumë muzikë...

Qarri : E pasuruat pak.

Kroni Pula : Po, e pasuruam më shumë me muzikë.

Qarri : Ashtu? Dhe pastaj të pëlqeu rezultati përfundimtar?

Kroni Pula : Po, më pëlqeu shumë.

Qarri : Kur e ke dëgjuar për herë të parë këtë këngë, sa kohë ka kaluar?

Kroni Pula : Nga... 16 më duket, 16 Maj.

Qarri : A, e mban mend dhe me datë. Sa më pëlqen kjo faza e jetës që i mban mend gjërat me datë. Vjen me kohën ajo dhe bëhen pak më të turbullta ca gjëra. Dhe pastaj ti shkove në Shkodër për festivalin e 63-të mbarëkombëtar, me këtë këngë.

Kroni Pula : Po, me këtë këngë.

Qarri : Dhe fitove.

Kroni Pula : Po.

Qarri : Si u ndjeve kur fitove?

Kroni Pula : Kisha vetëm pak emocion. Okej. S'kisha aq shumë se njeriu me emocione nuk bën gjë. Për mua. Okej.

Qarri : Po ata të tjerët, kishin më shumë emocione?

Kroni Pula : Po.

Qarri : Kishte ndonjë këngë tjetër që të pëlqeu?

Kroni Pula : Po. Shumë më pëlqente e Kristelit, Ndriçoj. Ishte shumë këngë e bukur, po më pëlqenin edhe shumë të tjera.

Qarri : Po ti e kishe më të mirë këngën?

Kroni Pula : Pak. Pak fare.

Qarri : Të gjithë e kishim shumë të bukur këngën.

Kroni Pula : A, më pëlqen, më pëlqen kjo gjë. E megjithatë vendin e parë e more ti dhe kur e kuptove dhe e zbulove që do shkoje ti në të përfaqësoje Shqipërinë mes gjithë moshatarëve të tu, fëmijëve të tjerë nga e gjithë Evropa?

Qarri : Po.

Kroni Pula : Unë e zbulova kur sapo u futa, mua ma bëri surprizë mami për ditëlindje.

Qarri : Këngën apo Eurovizionin?

Kroni Pula : Jo, këtë... Këngën. Festivalin.

Qarri : A, okej, pjesëmarrjen në festival. Po.

Kroni Pula : Edhe mua më kishte thënë, në ditën e fundit e mora vesh, në datën 1 qershor. Po. E mora vesh që do ishim në kështu Junior Eurovision, ai që fiton ose... Kështu. Edhe këto të tjerët do merrnin çmime të tjera…