Tesla Cybercab, ndonëse ende nuk ka hyrë në prodhim masiv, ka nxjerrë në dritë detaje të reja teknike që lidhen me baterinë, sistemin e fuqisë dhe karakteristika të tjera, të cilat tashmë janë bërë publike.

Sipas të dhënave të publikuara nga një aplikim pranë Agjencisë së Mbrojtjes së Mjedisit, janë zbuluar më shumë specifika mbi coupe-n kompakte të Tesla-s.

Ja çfarë duhet të dini për Cybercab:

219 kuaj fuqi;
Motor elektrik i vetëm;
Pesha: 1,412 kg;
Bateri litium-jon me kapacitet 48.0 kilovat-orë.

Ndryshe nga modelet e mëparshme të prodhuesit amerikan Tesla, Inc., Cybercab paraqitet si një automjet elektrik me një motor të vetëm, i cili vë në lëvizje rrotat e përparme, me synim rritjen e efikasitetit energjetik.

Me një peshë prej rreth 1,412 kilogramësh, Cybercab konsiderohet ndër automjetet elektrike më të lehta në qarkullim, duke synuar performancë të balancuar dhe konsum më të ulët energjie.