Elon Musk njofton planet për të prodhuar çipa për SpaceX dhe Tesla

Elon Musk zbuloi të shtunën planet për 'Terafab', një strukturë prodhimi çipash që do të drejtohet bashkërisht nga SpaceX dhe Tesla.

Elon Musk ka njoftuar planet për të prodhuar çipa për SpaceX dhe Tesla që do të përdoren për të furnizuar me energji makinat, robotët dhe qendrat e të dhënave të inteligjencës artificiale në hapësirë.

Objekti i propozuar 'Terafab' do të ndërtohet pranë selisë qendrore të Teslës në Austin të Teksasit, tha miliarderi të shtunën, sipas Bloomberg.

Do të përqendrohet në prodhimin e dy llojeve të çipave: një për makinat dhe robotët humanoide, dhe një të dytë për përdorimin e SpaceX dhe xAI në zhvillimin e qendrave të të dhënave hapësinore. “Terafab teknikisht do të jetë dy fabrika [fabrika prodhimi çipash], secila prej të cilave do të prodhojë vetëm një dizajn çipi”, tha Musk në një postim në X.

Musk, drejtori ekzekutiv i SpaceX dhe Tesla, ka thënë se industria ekzistuese e prodhimit të çipave nuk po furnizon çipa mjaftueshëm shpejt për të përmbushur nevojat e projekteve të tij.

 “Ose e ndërtojmë Terafab-in, ose nuk i kemi çipat, dhe na duhen çipat, kështu që e ndërtojmë Terafab-in”, tha Musk në njoftimin në Austin, raportoi Reuters.

'Terafab' synon të prodhojë një teravatë energji në vit, afërsisht dyfishi i sasisë së energjisë që gjenerohet aktualisht në Shtetet e Bashkuara në vit, sipas Musk.

Ai gjithashtu përshkroi planet për të prodhuar çipa që mund të mbështesin 100 deri në 200 gigavat energji në vit dhe të tjerë që mund të mbështesin një teravatë energji në hapësirë. Ai nuk specifikoi ndonjë afat kohor për impiantin ose këto prodhime./ Euronews.