Një person ka mbetur i dëmtuar gjatë ditës së djeshme në Kaçanik të Kosovës, pas një përleshjeje masive. Policia kosovare raporton se gjatë ditës së djeshme në rrugën “Ismail Raka” janë përfshirë në një grindje masive 11 persona, ndërkohë që nuk thuhet nëse ka pasur ose jo të arrestuar.

 “Raportohet se 11 të dyshuar meshkuj shqiptarë të mitur janë përleshur fizikisht në mes tyre. Gjatë përleshjes njëri prej tyre ka pësuar dëmtime trupore dhe duke u dërguar menjëherë në spital për të marrë ndihmë mjekësore”, thuhet në raportin e Policisë së Kosovës.