Një video që po bën xhiron në internet ku një burrë shihet duke kërcyer para një spitali për ta bërë të lumtur djalin e tij që është duke marrë trajtimin për sëmundjen e rëndë ka prekur shumë zemra.

Aiden, 14 vjeç u diagnostifikuar me leuçemi limfocitike në fillim të pandemisë COVID-19, prandaj dhe spitali ku ai po kryen trajtimin ka vendosur rregulla të forta duke lejuar vetëm njërin nga prindërit të qëndrojë me të.

Ndërsa nëna e Aiden, Lori ishte me të çdo të martë, Chuck, babi i tij për ta bërë të lumtur e djalin e tij, vendosi muzikë në makinë dhe filloi të kërcente nën ritmet e muzikës, ndërkohë Aiden nuk hezitoi ti bashkohej të atit dhe filloi të kërcej gjithashtu.

Duke folur për kanalin lokal të lajmeve CBS-N, Chuck deklaroi se si ai dëshironte që djali i tij të kuptonte se ata janë të gjithë së bashku në  luftën kundër leuçemisë.

Video është bërë virale dhe shumë nga përdoruesit e internetit janë prekur ndërsa shikonin videon dhe i kanë uruar Aidenit shërim sa më të shpejtë.