Shtoni shanset tuaja për dashuri

Përpiquni të ndiqni këto pesë veprimet të thjeshta dhe shtoni shanset për dashuri.

1. Bëhuni komunikuese

Ngrini shikimin nga telefoni dhe shikoni drejtë në sy njerëzit me të cilët bisedoni, aq më parë kur është fjala për personin i cili ju pëlqen. Kontakti me sy është një ndër armët më të fuqishme.

Gjithashtu, bëhuni të sinqerta, të qeta dhe mos i shikoni të tjerët nga lartësia. Askush nuk i do mbretëreshat e ftohta, vajzat komunikuese gjithmonë më lehtë i bëjnë për vete djelmoshat.

2. Shfrytëzoni të dashurit/bashkëshortët e mikeve tuaja

Nuk po ju themi që me ta të keni afera, por që t’u kërkoni që të ju njoftojnë me ndonjë mik të tyre. Madje edhe nëse kështu nuk e gjeni dashurinë e jetës suaj, njohjet dhe takimet e reja do t’ju ndihmojnë që më lehtë të kontaktoni me të tjerët dhe do të bëheni më komunikuese.

3. Kërkoni dashurinë online

Aplikacionet dhe faqet online të portaleve për ndeja nuk janë vende në të cilat mblidhen vetëm të çuditshmit.

Përpiquni të liroheni nga paragjykimet dhe ofroni shansin edhe këtij lloji të kërkimit të dashurisë. Kushedi, mbase mu kjo mënyrë do të ketë sukses.

4. Bëni gjërat që doni

Derisa jeni duke bërë diçka me të cilën vërtet kënaqeni, bëheni versioni më i mirë për veten, pra si e tillë të tjerëve do t’u duken edhe më joshëse.

Gjeni pasionin i cili ju plotëson dhe regjistrohuni në ndonjë kurs, mbase pikërisht atje do të takoni mashkullin e ëndrrave tuaja.

5. Hapni sytë

Ndoshta tashmë keni njohur atë të vërtetin, vetëm që ende nuk e keni kuptuar. Dashuria nuk ndodh gjithmonë në shikim të parë, ndonjëherë nevojiten edhe mijëra shikime.

Pra, nëse ndonjë mik apo i njohur shpesh pa shpjegim ju sillet në kokë pa kurrfarë arsyesh, kjo do të thotë që mund të thotë diçka edhe më shumë.