Mjekët ia kanë pastruar mushkëritë aksidentalisht një 68-vjeçari me tretësirë detergjenti, në vend që ta përdornin tretësirën e kripës. Tretësira e detergjentit përdorej për t’i dezinfektuar pajisjet mjekësore. 68-vjeçari William Hannah ishte shtruar në spitalin e Salfordit në Britani të Madhe, pasi ishte goditur nga një veturë në shtator të vitit të kaluar.

Ai kishte vdekur disa ditë pas aksidentit, por nuk është vërtetuar ende se a ka pasur ndonjë ndikim procedura e gabuar e mjekëve. Ai kishte pësuar një infektim në mushkëri, prandaj mjekët kishin vendosur që në mënyrë emergjente t’i pastrojnë mushkëritë. 

Sidoqoftë, një hetim i spitalit e ka zbuluar se lëngu i bronkoskopisë nuk ishte përgatitur para operacionit dhe se mjekët e kanë përdorur gabimisht lëngun që përdoret për dezinfektim të veglave.

Njërit prej infermierëve i ishte kërkuar ta sillte tretësirën e kripës, e njohur si salinë, por në vend të saj mjekëve iu ishte dhënë një përzierje deterxhentësh, që përdoret për dezinfektim të veglave mjekësore.  

Gjatë 33 orëve pasuese, gjendja e pacientit ishte përkeqësuar dhe ai kishte pësuar bllokim kardiovaskular. Pas kësaj ngjarjeje, pritet që të hapet një hetim për ndikimin e këtij gabimi në vdekjen e pacientit, shkruan “Daily Mail”,