Disa pronarë biznesesh në Tiranë u ngritën në protestë pasi Policia Bashkiake mbërriti për t’u prishur dyqanet. Ata akuzuan kreun e Bashkisë së Tiranës, Erion Veliaj për afera në kurriz të tyre në favor të një ndërtimi.

Një prej tyre tha se po i dëbojnë nga dyqanet pasi nuk shesin fiq.

“Erion Veliaj, kur shiste fiq, nuk e largoi njeri nga pazari dhe bëri aq lekë sa bëri pallate dhe bëri pasuri të paparë. Me fiq. Nuk e hoqi kush nga tregu. Ne po na heqin bukën e gojës se nuk kemi fiq për të shitur.

Policia e Shtetit në vend që të na mbrojë ne, mbron aferat e atyre,” tha një prej tyre.