4.4 milionë vdekje në vit në mbarë botën nga kolesteroli i lartë

09:34, 29/09/2023

Sëmundjet kardiovaskulare tani janë shkaku kryesor i vdekjeve tek të rriturit.

Pothuaj 30% i atribuohen gjendjes së trombozës ose aterosklerozës së murit arterial (sëmundje ishemike të zemrës, goditje ishemike dhe sëmundje arteriale periferike).

Globalisht, një e treta e sëmundjeve ishemike të zemrës i atribuohet hiperkolesterolemisë, pra kolesterolit të lartë, i cili është përgjegjës për 4.4 milionë vdekje në vit.

Anomalitë në metabolizmin e lipideve, veçanërisht nivelet e larta të kolesterolit LDL, i ashtuquajturi kolesteroli ‘i keq’, luajnë një rol vendimtar në përcaktimin e sëmundjeve kardiovaskulare, duke përbërë faktorin kryesor të rrezikut.

Megjithëse është faktori i rrezikut kardiovaskular më lehtë i modifikueshëm, arritja e një reduktimi efektiv dhe të qëndrueshëm të niveleve të kolesterolit LDL me kalimin e kohës është ende një sfidë, aq sa 8 nga 10 pacientë me rrezik të lartë nuk janë në gjendje të ulin nivelin e tyre të kolesterolit ‘të keq’.

© SYRI.net

Lexo edhe:

• Hekuri, simptomat e mungesës dhe tepricës së tij
• Rastet kur makthet paralajmërojnë një sëmundje të keqe
• 4 mënyra natyrale se si të rrisni imunitetin gjatë dimrit