Ethet e kuqe/ 6 fëmijë të vdekur në Mbretërinë e Bashkuar, ‘kujdes nga këto simptoma’

09:09, 04/12/2022

Numri i rasteve të streptokokut të tipit A këtë vit është më i lartë se zakonisht.

Autoritetet kanë paralajmëruar se dhimbjet e fytit, dhimbjet e kokës, problemet me tretjen, të vjellat, diarre, ethet, skuqjet në lëkurë duhet të mbahen nën kontroll.

Një baba i dëshpëruar ka paralajmëruar të gjithë prindërit.

Ai në një apel në mediat britanike tha se “nëse fëmija juaj nuk është mirë, mos bëni një sy qorr, kontaktoni menjëherë një mjek”.

Vajza e Dean Burns, Camilla Rose, është shtruar në Spitalin e Fëmijëve “Alder Hey”, Liverpool.

Ajo merr frymë përmes një ventilatori dhe gjendja e saj u përkeqësua fundjavën e kaluar.

E premtja ishte mirë. Të shtunën nisën simptomat e para.

Të hënën, sipas specialistëve që po e trajtojnë, ajo ishte një ndër fëmijët më të sëmurë në Britaninë e Madhe.

Një përvojë e frikshme për shkak të streptokokut të grupit A, agjentit përgjegjës për skarlatinën, një sëmundje që po shkakton shqetësim të konsiderueshëm në Mbretërinë e Bashkuar.

Agjencia e Sigurimit Shëndetësor ka alarmuar dje popullatën me një ndërhyrje të rrallë.

Gjashtë fëmijë kanë vdekur që nga shtatori – pesë në Angli dhe një në Uells, të gjithë nën moshën dhjetë vjeç.

“Numri i rasteve të streptokokut të tipit A këtë vit është më i lartë se zakonisht”, tha Prof Colin Broën, zëvendësdrejtor i agjencisë.

“Bakteri në përgjithësi shkakton një infeksion të moderuar, me dhimbje të fytit dhe ethe që mund të trajtohen me antibiotikë”.

© SYRI.net

Lexo edhe:

• Metodat që duhet të dini – Si të pushoni dhimbjen e kokës pa Ilaçe
• Efektet mbresëlënëse të kafesë kundër rrudhave!
• Dieta e peshkut: Studiuesit zbulojnë rrezikun më të madh të saj