Lija e majmunëve: 80 raste të konfirmuara në 11 vende

Lija e majmunëve: 80 raste të konfirmuara në 11 vende

08:18, 21/05/2022

Rreth 80 raste të lisë së majmunëve janë konfirmuar në 11 vende, thotë Organizata Botërore e Shëndetësisë, duke paralajmëruar se ka të ngjarë të raportohen më shumë raste.

OBSH-ja thotë se 50 raste të tjera të dyshuara janë duke u hetuar, pa përmendur asnjë shtet, shkruan BBC.

Më herët, infeksionet u konfirmuan në Itali, Suedi, Spanjë, Portugali, SHBA, Kanada dhe MB – ku u raportua rasti i parë evropian.

Lija e majmunëve është më e zakonshme në pjesët e largëta të Afrikës Qendrore dhe Perëndimore.

Është një infeksion i rrallë viral, i cili zakonisht është i butë dhe nga i cili shumica e njerëzve shërohen brenda disa javësh, sipas Shërbimit Shëndetësor Kombëtar të Mbretërisë së Bashkuar.

Virusi nuk përhapet lehtë midis njerëzve dhe rreziku për publikun e gjerë thuhet të jetë shumë i ulët.

Nuk ka një vaksinë specifike për linë e majmunit, por një vaksinë kundër lisë ofron 85% mbrojtje pasi të dy viruset janë mjaft të ngjashëm.

© SYRI.net

Lexo edhe:

Komentet

Shto koment

Denonco