Kjo është dieta më efikase që duhet ta përdorni

11:00, 23/01/2022

Dieta mesdhetare është përzgjedhur Dieta Nr. 1 më e mirë, për të pestin vit radhazi.

Kjo dietë fitoi vendin e parë në kategori të shumta, duke përfshirë dietat më të lehta për t'u ndjekur, më të shijshmët, më të mirat për ushqim të shëndetshëm, më të mirat për diabetin, dietat më të mira me bazë bimore dhe dietat më të mira të shëndetshme për zemrën.

Përcaktimi i renditjes është bërë bazuar mbi atë që dieta ofron, larminë e produkteve, kaloritë e mjaftueshmë dhe proteinat të pastra. Dieta mesdhetare është e përshtatshme për diabetin, zemrën dhe shëndetin tuaj në përgjithësi.

Dieta mesdhetare është rezultat i studimeve të shumta, të cilat kanë zbuluar sesi një kombinim i tillë i ushqimeve zvogëlon mundësinë e shumë sëmundjeve kardiovaskulare, duke kontribuar kështu në zgjatjen e jetës së individit që ndjek këtë dietë.

Ajo nuk parashikon përjashtime të produkteve ushqimore në vaktet tona, por çelësi i suksesit së kësaj diete qëndron në kombinimet e duhura dhe me shije të ushqimeve, duke ruajtur një raport të kënaqshëm cilësi-sasi.

Dieta mesdhetare kombinon në mënyrën e duhur karbohidratet, proteinat, yndyrnat, vitaminat dhe mineralet.

Pra mund të konsumojmë në sasinë e duhur, sipas analizës sonë trupore: makarona, bukë, mish, peshk, fruta dhe perime, dhe mund ti japim shije gjithçkaje me vaj ulliri ekstra të virgjër.

© SYRI.net

Lexo edhe:

• Të pasura më lëndë ushqyese dhe veti anti kancerogjene, ja disa arsye pse duhet të përfshini frutat e pyllit në dietën tuaj
• Pse duam një mjeke femër? Studimi zbulon se pacientët e trajtuar nga gratë kanë më shumë gjasa të mbijetojnë
• Anglezët me shkallën më të lartë të konsumimit të alkoolit dhe duhanit nga fëmijët në botë