Studimet e reja mbi vaksinimin para dhe gjatë shtatzënisë

Studimet e reja mbi vaksinimin para dhe gjatë shtatzënisë

14:18, 24/10/2021

Dy studime të reja shkencore në revista me famë ndërkombëtare vijnë për të konfirmuar se vaksinat e koronavirusit janë të sigurta para dhe gjatë shtatzënisë, pa rritur rrezikun e abortit.

Studimi i parë nga shkencëtarët norvegjezë, i botuar në revistën mjekësore amerikane “New England of Medicine”, studioi rreth 18.500 gra shtatzëna, duke përfshirë rreth 4.500 që kishin abortuar.

Nuk u gjet asnjë lidhje midis vaksinave kundër Covid-19 (Moderna, Pfizer / BioNTech dhe AstraZeneca) dhe një rreziku në rritje të abortit gjatë tremujorit të parë të shtatzënisë.

Shkencëtarët arritën në përfundimin se “studimi nuk gjeti as treguesin më të vogël të një rreziku të shtuar të abortit në fazat e hershme të shtatzënisë pas vaksinimit me Covid-19, duke konfirmuar gjetjet nga studimet e mëparshme që mbështesin vaksinimin gjatë shtatzënisë”.

Studimi i dytë ndërkombëtar, i botuar në revistën mjekësore “The Lancet”, shqyrtoi 107 gra që mbetën shtatzënë ndërsa merrnin pjesë në provat klinike të vaksinave AstraZeneca në Britani, Brazil dhe Afrikën e Jugut.

U zbulua se vaksina nuk kishte asnjë efekt negativ në sigurinë e shtatzënisë. Studiuesit arritën në përfundimin se “ne nuk gjetëm asnjë provë të një lidhjeje midis zvogëlimit të fertilitetit dhe vaksinimit me këtë vaksinë”.

Studiuesit norvegjezë në studimin e parë vunë në dukje se “është e rëndësishme që gratë shtatzëna të vaksinohen sepse ato kanë një rrezik më të lartë të shtrimit në spital dhe komplikimeve nëse sëmuren me Covid-19”./ Abcnews.al

© SYRI.net

Lexo edhe:

Komentet

Shto koment

Denonco