Për herë të parë në histori, një veshkë që u zhvillua në trupin e një derri të modifikuar gjenetikisht u transplantua në një njeri dhe po funksionon normalisht.
Operacioni u bë në spitalin ‘NYU Langone Health’ në Nju Jork.
Prestigjozja ‘Reuters’ raporton se transplantimi i veshkës u bë te një pacient klinikisht të vdekur, i cili mbështetej nga aparatura.
Historike/ Kryhet transplanti i parë i veshkës nga derri te njeriu
Bëhet fjalë për një burrë, i cili ishte dhurues organesh, gjithashtu familja e tij ra dakord me eksperimentin.
Mësohet se veshka e re e derrit u implantua përmes enëve të gjakut, jashtë barkut në pjesën e sipërme të këmbës të vullnetarit.
Rezultatet e testimit të funksionit të veshkës së transplantuar “duken mjaft normale”, tha kirurgu i transplantit Dr. Robert Montgomery, i cili udhëhoqi studimin.
Veshka prodhoi “sasinë e pritur të urinës” nga një veshkë njerëzore e transplantuar, tha ai, dhe nuk ka dhëna të refuzimit të organit nga trupi njerëzor, pasi veshka erdhi nga një derr i modifikuar gjenetikisht në mënyrë që organi të mos refuzohej nga trupi i njeriut.
Anëtarët e ekipit kirurgjikal të ksenotransplantit në NYU Langone Health pozojnë për një fotografi në Nju Jork, SHBA
Ndërkohe niveli jonormal i prodhimit të kreatininës në trupin e vullnetarit u kthye në nivele normale pas transplantit, tha Montgomery.
© SYRI.net
Shtylla kurrizore ka memorie të pavarur nga trupi
Metodat që duhet të dini – Si të pushoni dhimbjen e kokës pa Ilaçe
Efektet mbresëlënëse të kafesë kundër rrudhave!
Denonco
Merrni lajmet më të fundit nga SYRI.net në çdo moment dhe kudo që të jeni!
