Derbi i madh holandez mes Ajaxit dhe Feyenoordit nuk përfundoi, pasi u ndal në minutën e 56-të shkaku i trazirave nga tifozët.
Skuadra mysafire nga Roterdami dominoi klasiken e futbollit holandez, duke kryesuar 0-3 përballë “Harkëtarëve” deri në minutën e 56’. Moment kur sfida u ndërpre për të mos nisur më.
Tifozët e Ajaxit, të zhgënjyer dhe zemëruar nga turpërimi në De Klassieker, nisën të shkaktonin trazira në stadium.
Hedhja e mjeteve piroteknike në fushë, shoqëruar me përplasjen e tifozëve, detyroi gjyqtarin kryesor që të pezullonte përfundimisht takimin e zjarrtë të Eredivisie.
Pas daljes nga stadiumi, tifozët vazhduan vandalizmin në Amsterdam, duke shkatërruar gjithçka që u doli para.
Në lidhje me ngjarjen ka reaguar ashpër Marco Van Basten, legjenda e Milanit dhe futbollit holandez, i cili foli për Ziggo Sport duke thënë se futbolli duhet të ndalet.
“Futbolli profesionist në Holandë duhet të ndalet. Është e nevojshme ta marrim këtë masë, duhet ta bëjmë”.
“Mjaft me futbollin profesionist në Holandë, nuk mund të shohësh gjëra të tilla”, deklaroi një ndër sulmuesit më të mirë në histori.
© SYRI.net
Plagosja e rëndë e policit në Olympiacos-Panathinaikos, kërkohet ndërprerja e aktiviteteve sportive
Rrëfimi i ish-futbollistit: Investova mbi 4 milionë euro, por nuk mund të shkoj të jetoj në Ukrainë
Dënimi për doping, Juventusi do t’i ndërpresë kontratën PogbasëBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
