Shuma që përfiton Partizani nga UEFA dhe FSHF-ja për titullin kampion

09:43, 30/05/2023

Nëse Partizani, si kampion i Superiores i humbet të gjitha ndeshjet në arenën ndërkombëtare, merr të paktën 810 mijë euro nga UEFA.

260 mijë euro dhurohen nga UEFA për ekipet që nuk mund të jenë pjesëmarrëse në grupet e kompeticioneve të saj, ndërsa 350 mijë euro ofrohen si bonus eliminimi.

Sakaq, Partizani mund të marrë edhe 200 mijë euro të tjera, ku 100 mijë euro jepen për pjesëmarrjen në turin e parë kualifikues në Ligën e Kampioneve dhe 100 mijë të tjera për pjesëmarrjen në turin e dytë kualifikues në Ligën e Konferencës.

Kësaj shume i shtohen 80 mijë euro si shpërblim nga FSHF-ja për titullin kampion.

Gjithë këtyre bonuseve pritet t’u shtohet edhe shpërblimi prej 150 milionë lekësh, që bashkia ia akordon çdo ekipi kryeqytetas, që mund të shpallet kampion, në këtë rast Partizanit.

 

© SYRI.net

Lexo edhe:

• Kombëtarja shqiptare e veteranëve miqësore me ekipin FC Kosova Schaerbeek në 26 maj në Bruksel
• Osmani pas suksesit të Distrisë: Jashtëzakonisht krenare, në Paris, më e fortë se kurrë
• Taremi kryen testet mjekësore, Interi kompleton dy goditjet e para në merkato