Sulmuesi shqiptar i Granadës, Myrto Uzuni, është shpallur kampion i Ligës së Dytë në Spanjë.
Sulmuesi beratas ka qenë padyshim njeriu më i rëndësishëm i këtij suksesi të madh të skuadrës spanjolle.
Ku ka shënuar plot 23 gola gjatë këtij edicioni futbollistik dhe ka dhuruar 5 asiste.
Veç ngritjes së trofeut si kampionë të Ligës së Dytë, Granada do të luajë sezonin e ardhshëm në La Liga.
Kjo edhe falë kontributit të jashtëzakonshëm të Myrto Uzunit.
Sulmuesi kuqezi është bërë tashmë pjesë e librit të artë të futbollit spanjoll, duke u shpallur ‘Këpuca e Artë’ e La Liga 2 për këtë sezon.
Këtë arritje të madhe të 27-vjeçarit e kanë përshëndetur edhe Presidenti i Federatës Shqiptare të Futbollit, Armand Duka dhe trajneri i ekipit kombëtar, Sylvinho.
Kreu i futbollit shqiptar dhe tekniku brazilian, urojnë sulmuesin kuqezi dhe skuadrën e Granadës për titullin kampion të La Liga 2.
Dhe i urojnë shumë suksese në La Liga në edicionin e ardhshëm, ndërsa veçojnë edhe suksesin e Uzunit si fituesi i ‘Këpucës së Artë 2022-2023’ në La Liga 2. Njëkohësisht, ata presin që lojtari të vazhdojë formën e mirë edhe me kuqezinjtë.
Shqipëria rikthehet në fushë gjatë muajit qershor për dy takimet e radhës në eliminatoret e Euro 2024.
Kundër Moldavisë në “Air Albania” (17 qershor) dhe Ishujve Faroe në transfertë (20 qershor).
© SYRI.net
Al Khelaifi: Superliga? T’i japin fund kësaj ideje idiote
Sulmuesi i Kombëtares U-19 firmos kontratën e parë si profesionist
Ballkani-Prishtina, finalja e Kupës së KosovësBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
