Bujar Pregja është përplasur me Ermal Tahirin në panelin e emisionit “Skaner”. Specialisti i gjykimit ndërhyri në momentin kur po analizohej penalltia e dhënë kundër Tiranës me Bylisin.
Pregja i theksoi Tahirit se është faull në çdo moment, edhe pse preket apo jo topi. Debati agravoi aq sa filluan të ngrinin zërin në këtë panel të këtij emisioni sportiv. Më poshtë njihuni me debatin mes palëve.
Tahiri: Që janë të dy në dyluftim kjo nuk diskutohet dhe që ka dyluftime të tilla brenda zonës edhe këtë e kemi shumë të qartë. Gabimi i mbrojtësit të Tiranës është teknik që do t’i hapi rrugën topit, por për mendimin tim nuk është penallti. Në të gjitha ndeshjet e këtij sezoni ka patur shumë raste të tilla dhe arbitrat nuk i kanë dhënë. Kaçorri kërceu për ta kapur topin, por e kishte shumë larg.
Pregja: Nuk është argument se ka prekur apo jo topin.
Tahiri: Është fjala ime. Jemi në demokraci. Për mua nuk është.
Pregja: Nuk thuhet me thikë.
Tahiri: Ore për mua po them. Dëgjo çfarë po të them. Në fushën e futbollit tim që kam qenë sulmues, nuk është penallti. Në fushën tënde të arbitrimit jepe ti.
Pregja: Atëherë mos jep mendim.
Tahiri: Nuk ma ndalo dot te ti te fusha ime e futbollit. Mua më kanë shtyrë edhe me duar, nuk më kanë dhënë penallti. Është mendimi im. Pse ma kundërshto mër vlla.
Pregja: Nuk më ndalo dot ti mua nëse ndërhyj ose nuk ndërhyj. Ndërhyra se the se sulmuesi nuk e ka kapur topin. Nuk më ndalo dot ti mua të flas.
Tahiri: Ti je arbitër? Ti je? Nuk je arbitër. Ti je shef, vetëm kontrollon.
Pregja: Edhe ti nuk je futbollist. Edhe ti ke qenë. Edhe ti s’je më. Ndërhyre te pjesa teknike se the se nuk është faull se nuk kap topin ai. Nuk ka rëndësi, nëse e kap apo jo topin. Nuk është dyluftim. Mbrojtësi nuk interesohet për topin.
Tahiri: Te topi shkojnë të dy ata. Ti na thua gjithmonë këtu në raste të tjera, se ka patur vetëm një kontakt të lehtë, ndërsa në këtë herë na thua është penallti.
Pregja: Lojtari i Tiranës shkon me shpinë, e shoqëron me dorë shtytjen. Ku lufton për topin mbrojtësi? Fare, fare nuk është.
Tahiri: Mua si sulmues në 50 raste të tilla nuk më është dhënë asnjëherë penallti. Të dy po luftojnë të shkojnë te topi.
© SYRI.net
Distria kampione e vërtetë – Shkon në finale të EvropianitDistria Krasniqi merr dy fitore dhe kualifikohet në gjysmëfinale të Kampionatit Evropian
Al Khelaifi: Superliga? T’i japin fund kësaj ideje idioteBëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
