Ndërkohë që Interi po përgatitet për katër ndeshjet e fundit të sezonit, dy prej të cilave finale në Kupën e Italisë dhe në Champions League, teksa administratori zikaltër, Giuseppe Marotta është ndalur të flasë për merkaton.
Ai ka pranuar se italianët e talentuar janë në fokusin e drejtuesve, teksa nuk ka ngurruar të evidentojë edhe dy emra si Scalvini i Atalantës dhe Frattesi i Sassuolos, si objektiva të zikaltërve.
“Si Scalvini, ashtu edhe Frattesi janë duke bërë shumë mirë. Janë të rinj dhe jam i sigurt që mund të luajnë në nivele të larta. Ne po i monitorojmë ata, ashtu si edhe të rinj të tjerë të talentuar. Italianët janë në fokusin tonë, pasi në këtë mënyrë rritim jo vetëm vetëdijen për peshën e fanellës, por edhe cilësinë në Kombëtare”, tha Marotta.
E pamundur të shmangej edhe një koment për sulmuesin belg Romelu Lukaku, teksa edhe këtë herë Marotta ishte i qartë në qëndrimin e tij.
“Lukaku e do Interin dhe kjo është shumë e rëndësishme. Megjithatë ai është në huazim deri më 30 qershor dhe më pas do të kthehet te Chelsea. Nuk e di si do të zhvillohen gjërat në aspektin teknik, në klubin londinez, por mund t’u them se ne qëndrojmë e presim në dritare”, tha drejtuesi zikaltër.
© SYRI.net
Mori dy kartonë të verdhë, por nuk doli me të kuq, rregulli i rrallë që la në fushë portierin Emiliano Martinez
Europa League, shansi i fundit i Milanit për të fituar trofe këtë vit
Thirrjet raciste të tifozëve të Barcelonës ndaj Dembele, PSG ankohet në UEFABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
