UEFA ka rrëzuar kërkesën e bashkisë së Romës, që sfida mes verdhekuqve dhe Feyenoordit, për çerekfinalet e Europa Leagues, të luhej pa praninë e tifozëve holandezë.
Qeveria europiane e futbollit ka urdhëruar që Roma të hapë dyert për tifozët miq dhe të vërë në dispozicion 5% të biletave, sipas rregullores së përcaktuar.
Kaq ka mjaftuar që autoritetet italiane të vihen në alarm dhe të organizojnë planin për të mbajtur nën kontroll ultrasit holandezë, mjaft të spikatur për aktet e dhunës, kudo ku shkojnë.
Për më tepër, palët kanë ende inate të vjetra nga Tirana, pasi u përballën majin e kaluar në finalen e Conference League mes Romës dhe Feyenoordit, që u fitua me rezultatin minimal 1-0.
Tifozët holandezë janë bërë protagonistë në Romë edhe në vitin 2015, duke shkaktuar trazira të shumta dhe vënë në rrezik rendin publik në qytet.
Për sfidën Roma-Feyenoord pritet të angazhohen më shumë se 1000 forca policie, që do të mbajnë nën monitorim tifozët holandezë që prej mbërritjes e deri në largim nga Italia.
© SYRI.net
Mori dy kartonë të verdhë, por nuk doli me të kuq, rregulli i rrallë që la në fushë portierin Emiliano Martinez
Europa League, shansi i fundit i Milanit për të fituar trofe këtë vit
Thirrjet raciste të tifozëve të Barcelonës ndaj Dembele, PSG ankohet në UEFABëje LIKE dhe merr lajmin e fundit nga Sporti:
Denonco
Merrni lajmet më të fundit nga SYRI.net në çdo moment dhe kudo që të jeni!
